پەسەندکردنی کۆتایی بۆ لیستەکان لە سەرەتای مانگی تشرینی یەکەم ئەنجام دەدرێت

کۆمسیۆنی هەڵبژاردنەکان:
🔻ژمارەی ئەو کاندیدانەی لە کێبڕکێی هەڵبژاردن دوورخراونەتەوە گەیشتووەتە (751) کەس
🔻

کۆمسیۆنی باڵای سەربەخۆی هەڵبژاردنەکان دورخستنەوەی (751) کاندیدی لە کێبڕکێی هەڵبژاردن راگەیاند.
عیماد جەمیل، سەرۆکی تیمی راگەیاندنی کۆمسیۆن، لە لێدوانێكدا بۆ رۆژنامەی فەرمی، ئاشکرایکردووە: تا ئێستا ژمارەی ئەو کاندیدانەی کە لە کێبڕکێیەکە دوورخراونەتەوە گەیشتووەتە (751)کەس، ئەوەش بە هۆکاری جیاجیا، لەوانە، تێوەگلانی کاندیدەکە لە رێکارەکانی لێپرسینەوەو دادپەروەری، كۆتوبەندەكانی تاوانکاری، یان لەبەر ئەوەی تۆمەتبارە بە تاوانی پەیوەست بە گەندەڵی.
بە وتەی عیماد جەمیل، پرۆسەی پەسەندکردنی کۆتایی بۆ لیستەکان لە سەرەتای مانگی تشرینی یەکەم ئەنجام دەدرێت، ئەمەش بە پابەندبوون بە ماددەی (١٦) لە پەیڕەوی تۆمارکردنی کاندیدەکان ژمارە (٤)ی ساڵی ٢٠٢٥ کە تێیدا هاتووە کە لیستە پەسەندکراوەکان لانیکەم ٣٠ رۆژ پێش وادەی هەڵبژاردن بڵاوبکرێنەوە.