چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ئەمڕۆ سێشەم مەسروور بارزانی سەرۆكی حكوومەتی هەرێمی كوردستان لە واشنتن، لەگەڵ كۆنگرێسمان ئەبراهام ( ئەیب) حەمادە كۆبووەوە.
كۆنگرێسمان ئەیب ئاماژەی بەوە دا كە شانازی دەكەم لە بنەماڵەكەماندا رەگێكی كوردیم هەیە و نەنكم ( دایكی باوكم )، كوردە و دایكیشم دورزییە.
كۆنگرێسمان ئەیب خۆشحاڵی خۆی بە سەردانی سەرۆكی حكوومەت بۆ واشنتن و واژۆكردنی دوو رێككەوتننامەی گرنگ لە بوارەی وزە دەربڕی كە لە بەرژەوەندیی هەموو هاووڵاتییانی عێراقدایە، دووپاتی لە گرنگیی برەودان بە پێوەندییەكانی هەرێمی كوردستان و ئەمەریكا لە هەموو بوارەكاندا كردەوە.
سەرۆكی حكوومەت پیرۆزبایی لە كۆنگرێسمان ئەیب كرد، كە ساڵی رابردوو بە ئەندامی كۆنگرێس هەڵبژێردرا و هیوای سەركەوتنی بۆ خواست. هەروەها سوپاسی پشتیوانییەكەی كرد لە هەرێمی كوردستان .
ئەمڕۆ سێشەم مەسروور بارزانی سەرۆكی حكوومەتی هەرێمی كوردستان لە واشنتن، بە جیا لەگەڵ هەردوو كۆنگرێسمان جۆ ویڵسن و ماریۆ دیاز بالارت كۆبووەو، لە كۆبوونەوەكان گفتوگۆ لەبارەی دۆخی گشتیی عێراق و هەرێمی كوردستان و گرنگیی پێشخستنی زیاتری پێوەندییەكانی هەرێم و ئەمەریكا كرا
