چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
جارێكی دیكە كێشە دەكەوێتە نێوان محەمەدی حاجی مەحمود، سكرتێری پارتی سۆسیال دیموكراتی كوردستان و عەبدوڵای برای و بەگوێرەی سەرچاوەكانی خەندان، ئەمڕۆ كەسایەتی سەربازی نزیك عەبدوڵای حاجی مەحمود “ڕفێندراوە” كە لە دوای كێشەی نێوان ئەو دو برایە لە عەبدوڵاوە نزیك بوە.
سەرچاوەیەكی نزیك لە عەبدوڵای حاجی مەحمود، چرکە -ی ڕاگەیاند، “ئەمڕۆ هەینی ژماریەك چەكدار بە دو ئۆتۆمبێل چونەتە سەر باخەكەی ئەرسەلان خالید، كەسایەتی سەربازی و نزیك لە عەبدوڵای حاجی مەحمود و ڕفاندویانە”
سەرچاوەیەك لە هێزە ئەمنیەكانیش بە خەندان-ی ڕاگەیاند، لەسەر ئەو دۆسیەیە سكاڵا تۆماركراوە و هێزە ئەمنیەكان بەدواداچون دەكەن.
ئەوە لە كاتێكدایە، لە مانگی (شوبات/2)ی ساڵی ڕابردو ناكۆكیه‌كانی ناو پارتی سۆسیال دیموكراتی كوردستان ته‌قینه‌وه و كێشه و ململانێی زۆر له‌نێوان محه‌مه‌د حاجی مه‌حمود سه‌رۆكی پارته‌كه و عه‌بدوڵا حاجی مه‌حمودی جێگری و برای دروستبون. كە ڕوبەڕونەی چەكداری لە نێوانیاندا دروست بو كە بەهۆیەوە كەسێك كوژراو و ژماریەك برینداری لێكەوتەوە.
