سەرۆکی حکوومەت پێشوازیی لە وەزیری وزە و سەرچاوە سروشتییەکانی تورکیا كرد

ئێوارەی ئەمڕۆ یەکشەممە 16ی 3ی 2025، مەسرور بارزانی، سەرۆکی حکوومەتی هەرێمی کوردستان پێشوازیی لە ئەلپئەرسلان بەیرەکدار، وەزیری وزەو سەرچاوە سروشتییەکانی تورکیا و شاندێکی یاوەری کرد.

لە کۆبوونەوەکەدا پەرەپێدانی پەیوەندییەکانی هەرێمی کوردستان و تورکیا، بە تایبەتی لە بواری وزەدا تاوتوێ کرا.

هەردوولا هاوڕابوون لە سەر نەهێشتنی هەموو ئاستەنگ و بەربەستەکانی بەردەم هەناردەکردنی نەوتی هەرێمی کوردستان لە ڕێگەی بەندەری جەیهان لە زووترین کاتدا.