چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەرۆك مەسعود بارزانی، له یادی 37 ساڵه‌ی كیمیابارانی هه‌ڵه‌بجه، په‌یامێكی بڵاو كردەوە و ڕایدەگەیەنێت: “بەرپرسیارێتیی ئەو تاوانە دژ بە مرۆڤایەتییە و ئەنجام و ئاسەوارەكانی، تا قەرەبووكردنەی کەسوکاری قوربانیان، لەسەر شانی دەوڵەتی عێراقە.”
ئەمڕۆ یەكشەممە 16/3/2025، سەرۆك بارزانی، له یادی 37 ساڵه‌ی كیمیابارانی هه‌ڵه‌بجه، په‌یامێكی بڵاو كردەوە و دەڵێت: “زام و ئازاری تاوانی كیمیابارانكردنی هەڵەبجە تاهەتایە لە ناخ و دڵی هەموو كوردستانییەكدا دەمێنێتەوە و لەیاد ناکرێت، بەرپرسیارێتیی ئەو تاوانە دژ بە مرۆڤایەتییە و ئەنجام و ئاسەوارەكانی، تا قەرەبووكردنەی کەسوکاری قوربانییان، لەسەر شانی دەوڵەتی عێراقە.”
هەر لە پەیامەكەیدا، سەرۆك بارزانی ئاماژەی بەوەش داوە: “لە 37 ساڵەی کارەساتی بۆمببارانکردنی هەڵەبجە بە چەکی کیمیایی سڵاو بۆ گیانی پاكی شەهیدانی هەڵەبجە و خانەوادە و كەسوكاری شەهید و بریندارانی ئەو تاوانە دەنێرین.”
