چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
رێباز حەملان بریكاری وەزارەتی دارایی عێراق، لەسەر دۆسیەی مووچەی فەرمانبەرانی کوردستان دەستلەكاركێشانەوە ئاراستەی تەیف سامی وەزیری دارایی و محەمەد شیاع سوودانی سەرۆك وەزیرانی عێراق دەكات. ماڵپەڕێكی عێراقیش لە سەرچاوەیەكی خۆیەوە هۆكاری پێشكەش كردنی دەستلەكاركێشانەوەكەی بۆ ئەوە گەڕاندەوە، تەیف سامی رۆژ بە رۆژ مەرجی نوێی بۆ رەوانەكردنی مووچەی هەرێم زیاد كردووە.
ئێوارەی ئەمڕۆ سێشەم، چواری ئاداری 2025، ماڵپەڕی “بەغدا یەوم”ی عێراقی لە زاری سەرچاوەیەكی باڵاوە بڵاوی كردووەتەوە، بریكاری وەزارەتی دارایی عێراق بە هۆكاری ئەوەی تەیف سامی بەردەوام بیانووی نوێ و مەرجی زیاد كردووە بۆ رەوانەكردنی مووچەی مووچەخۆران، دەستلەكاركێشانەوەی پێشكەش كردووە.
