چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پاش ئەوەى دادگای فیدڕاڵیی عێراق بڕیارێكی لە دژی كوردستان داوە و بابەتی تەوتینكردنی مووچەی مووچەخۆرانی هێناوەتە گۆڕێ، میدیاكانی یەكێتی و بەكرێگیراوانی سەر بە یەكێتی لە بەناو چالاكوانان و كەمپینچییەكان، بە شێوەی جۆراوجۆر دژایەتیی پرۆژەی (هەژماری من) دەكەن.
هەكار مزووری، چالاكوان كە هاوكات فەرمانبەری حكوومەتی هەرێمی كوردستانیشە، راگەیاند: ئەگەر قوباد تاڵەبانی و یەكێتی داوای جیاكردنەوەی مووچەی سلێمانییان نەكردایە، ئەگەر یەكێتی خۆی لە شاندەكانی حكوومەتی هەرێمی كوردستان نەدزیبایەوە و یەكدەنگیی كوردیان پێشێل نەكردبایە، نەك هەر ئەم مانگە، بەڵكوو زۆر لەمەوبەر بوو كە مووچەخۆران لە كاتی خۆیدا مووچەكانیان وەردەگرت.
ئاشكرا كرد كە قوباد و بافڵ تاڵەبانی بۆیە پرۆژەی (هەژماری من) رەت دەكەنەوە، چونكە پرۆژەیەكی شەفافە و بەهۆیەوە هیچ كەسێك ناتوانێت دەست بۆ مووچەی فەرمانبەر و مووچەخۆران ببات، بەڵام ”ئەوان دەیانەوێ لە ڕێگەی پرۆژەی (كی كارد)ەوە پارەی مووچە بێت، چونكە بە نیازن بە هاوكاریی میلیشیاكان و شۆڤێنییەكانی عێراق، كارێك بكەن كە مانگانە دزی لە مووچەی مووچەخۆران بكەن.
