چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
شێروان دووبەردانی، ئەندامی فراكسیۆنی پارتی لە پەرلەمانی عێراق گوتی: بایكۆتی هەڵبژاردنی پەرلەمانی كوردستان لەلایەن پارتی هەنگاوی یەكەمە و رەنگە هەنگاوی داهاتوو كشانەوە بێت لە پرۆسەی سیاسی لە عێراق، حكوومەتی فیدراڵی بە شێوەیەكی ناوەندی مامەڵە دەكات.
دەڵێ:بڕیارەكانی دادگای فیدراڵی نادەستووری بوون، بەتایبەتی پێوەست بە هەڵوەشاندنەوەی كورسیی كۆتاكان و دەستوەردان لە پرسەكانی هەرێم و هەڵوەشاندنەوەی كۆمسیۆنی هەڵبژاردن و دابەشكردنی بازنەكانی دەنگدان.
روونی كردەوە، دامەزراوە دادوەری و جێبەجێكردن و یاسادانانەكانی هەرێم دەستوورین و ناكرێ لەلایەن دادگەی فیدراڵییەوە هەڵوەشنێندرێنەوە، چونكە ئەوە كاری دادگاكە نییە و عێراق وڵاتێكی فیدراڵییە و فەرمانڕەوایەتیی ناوەندی و دەسەڵات و باڵادەستیی بەغدا بەسەر هەرێم و پارێزگەكان كۆتای هاتووە.
