چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەسرور بارزنی سەرجەم دیدارەكانیدا لەگەڵ بەرپرسانی باڵای ئەمریكا و دامەزراوە گرنگەكانی ئەو وڵاتە، بەرگریی لە مافی پێكهاتەكانی هەرێمی كوردستان بە توركمان و مەسیحی و ئەرمەن و هەموو پێكهاتەكانی دیكە كردووە.
لەمبارەیەوە مونا قەهوەچی، جێگری سەرۆكی پارتی چاكسازیی توركمانی، راگەیاند: ئێمە ئەو زانیارییەمان پێگەیشت كە جەنابی سەرۆكی حكوومەت لە یەكەمین كۆبوونەوەیەوە تاوەكوو ئێستا، یەكێك لە بابەتە سەرەكییەكانی گفتوگۆكانی، مافی پێكهاتەكان و چۆنیەتیی پاراستنی مافی پێكهاتەكان بووە.
دەڵێ: ئێمە وەك پێكهاتەكان هیچ گومانێكمان لەوە نییە كە سەرۆكی حكوومەتی كوردستان پاڵپشتیی پێكهاتەكان دەكات، چونكە جەنابیان هەمیشە پاڵپشتیكاری پێكهاتەكان بووە و بۆ ئەمەش سوپاسی دەكەین.
