سەرۆكی حكومەت پێشوازی لە باڵیۆزی فینلەندا لە عێراق دەكات

ئەمڕۆ یەكشەممە 1/14، مەسرور بارزانی، سەرۆكی حكومەتی هەرێمی كوردستان، پێشوازی لە ئانو سارێلا، باڵیۆزی فینلەندا لە عێراق كرد.
لە دیدارەكەدا بیروڕا لەبارەی دوایین گۆڕانكاری و پەرەسەندنەكانی بارودۆخی گشتیی عێراق و ناوچەكە و برەودان بە پەیوەندیی دوولایەنە ئاڵوگۆڕ كرا.
تەوەریكی كۆبوونەوە، تایبەت بوو بە پەیوەندییەكانی هەرێمی كوردستان و حكومەتی فیدراڵ، لەمبارەیەوە جەخت لە گرنگیی دابینكردنی ماف و شایستە داراییەكانی هەرێم و دەستپێكردنەوەی هەناردەكردنی نەوتی هەرێمی كوردستان لە نزیكترین كاتدا كرایەوە.
پاراستنی ئاسایش و سەقامگیریی هەرێمی كوردستان و عێراق و پاراستنی سەلامەتیی هێزەكانی هاوپەیمانان و نێردە دیپلوماسییەكان لە عێراق و گرنگیی بەردەوامبوونیان لە ئەركەكانیان، بەشێكی دیكەی گفتوگۆكان بوو.