چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
محەمەد وانی، نووسەری سیاسی،ڕایگەیاند:” ئەگەر خیانەتی 16ی ئۆكتۆبەر نەبوایە، نەخشەی ناوچەكە بۆ بەرژەوەندیی هەرێمی كوردستان دەگۆڕدرا و ئێستا دۆخی كوردستان زۆر جیاوازتر دەبوو لە ئێستا.
گوتیشی: ئەوەی كرا خیانەتێکی گەورە بوو لە ئێستا و داهاتووی کورد، چونكە خیانەتەكە تەنیا لە هەرێمی كوردستان نەكرا، بەڵكوو لە هەموو كوردێك كرا لە هەر شوێنێكی ئەم دنیایە بێت نەدەبوو نا بەرپرسانە تەنیا حزبێك لە بڕیاری كوردی دەربچێت و بێباکانە كارێكی وا بكات، تا كورد ماوە باجەكەی بدات، چونكە ئەوەی كرا کوردی بۆ چەند دەیەیەك گەڕاندەوە دواوە.
ئەو نووسەرە سیاسییە، ئاماژەی بەوەش دا، ئەگەر ئەو خیانەتە نەکرابوایە، بەدڵنیایی نەخشەی ناوچەکە بۆ بەرژەوەندیی كورد دەگۆڕا.
