چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەركردەكانی یەكێتی لە سەركۆنەكردنی تەقینەوەكەی دوێنێ ئێوارەی فڕۆكەخانەی عەرەبەتی سلێمانی، بە وشەیەكیش ناوی ”توركیا“ ناهێنن، راگەیاندكارێكی سەر بە یەكێتیی نیشتمانیی كوردستان كە بە كەسێكی نزیك لە باڵەكەی بافڵ تاڵەبانی ناسراوە، هەڕەشە لە توركیا دەكات.
دیار سوڵتانی، راگەیاندكاری یەكێتی، بڵاوی كردەوە كە هێرشی فڕۆكەی بێفڕۆكەوانی توركیایە و ”بە هۆكاری بوونی گەریلا (چەكدارانی پەكەكە)“ هێرشەكە ئەنجام دراوە.
هەمان راگەیاندكار، نیوەشەوی رابردوو لە تۆڕی كۆمەڵایەتیی (فەیسبووك) نووسیویەتی: ”بەم زووانە لە ئەنکەرە و ئیستانبووڵ جەرگی تورکیا ئەبڕین.“ بەڵام ئەو لایەنەی دیاری نەكردووە كە ئەركی ”جەرگبڕین“ی توركیا لەئەستۆ دەگرێت، ئاخۆ یەكێتی خۆی ئەو كارە دەكات یانیش بە هەماهەنگی لەگەڵ پەكەكە دەیكات.
