چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
یەكێتی لە رێی مەڵبەندی سلێمانییەوە و بە ناوی دۆزینەوەی هەلی كار، سەرقاڵی كۆكردنەوەی دەنگە بۆ هەڵبژاردنەكانی داهاتوو.
سڵێمان کەریم، گەنجێکە فۆرمی پڕکردووەتەوە، راگەیاند: لە لایەن چەند هاورێیەكمەوە ئاگەدار كراینەوە كە گوایە بەشی گەنجانی مەڵبەندی یەكی رێكخستنی سلێمانی یەكێتی، دەستیان بە پڕكردنەوەی فۆڕمی هەلی كار و رەخساندنی كار بۆ كەسانی بێكاری شارەكە كردووە.
زیاتر گوتی، كاتێك چووینە بەشەكە، سەرەتا داوای پشتگیریی كۆمیتە و وەرگرتنی سیڤی و چەند پرسیارێكی ترمان لێ كرا، كە لایەنگری چ حزبێكین و دەنگمان بە كێ داوە و لە داهاتوودا ئامادەی دەنگ بە یەكێتی بدەیت؟، ئەگەر وەڵامەكانیان بەدڵ بوو، دواتر فۆڕمەكان پڕ دەكرێنەوە.
یەكێتی لەو حزبانەیە كە بەگوێرەی راپرسییەكان و بارودۆخی حزبی و جەماوەرەكەی، پێشبینی داتەپینی دەنگەكانی لە هەڵبژاردنی داهاتوو دەكرێت، بۆیە جۆرەها تەكنیك و گوشار بۆ كۆكردنەوەی دەنگ بەكار دێنێت.
یەكێتی نوێ بەهۆی سیاسەتەكانی كوڕانی تاڵەبانییەوە، هاوكات ئەو دۆخە تەناهییەی بەسەر سلێمانیدا هێناویانە، كەوتووەتە دۆخێكی خراپ و ترسییان هەیە لە هەڵبژاردنی داهاتووی پەرلەمانی كوردستان، باجەكەی بە قوڕسی بدەن.
