چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بڕیارە ئەمڕۆ ئەنجوومەنی پارێزگای هەولێر بۆ دیاریكردنی نرخی كارەبای ستییەكان، كە ئێستە كارەبای 24 سەعاتییان لەڕێی پڕۆژەی پریپەید بۆ دابین كراوە، كۆ ببێتەوە، چەند بەرپرسێكی حكوومی و ناحكوومیش بەشداریی كۆبوونەوەكە دەكەن.
ئەمڕۆ چوارشەم 23ـی ئاب، حاتەم عەزیز بەڕێوەبەری ڕاگەیاندن و پێوەندییە گشتییەكانی ئەنجوومەنی پارێزگای هەولێر، بە “وشە”ـی راگەیاند، ئەمڕۆ ئەنجوومەنی پارێزگای هەولێر، كۆبوونەوەی ئاسایی خۆی ئەنجام دەدات كە تێیدا ڕاپۆرتی هەردوو لیژنەی پیشەسازی و وزە و لیژنەی دەستپاكی ئەنجوومەنی پارێزگای هەولێر، تایبەت بە كارەبا دەخوێنرێنەوە.
مانگی رابردوو لە هەر ئەمپێرێكی كارەبای هەولێر لەگەڵ شارەكانی تر، بڕی هەزار بۆ هەزار و 500 دینار زیاتر وەرگیرا، ئەوەیش ناڕەزایەتیی هاووڵاتییانی لێ كەوتەوە.
