چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
محەمەد وەتمان، ئەندامی پێشووی سەرکردایەتیی یەکێتیی نیشتمانیی کوردستان، راگەیاند: بێگومان پارتی دیموکراتی کوردستان وەک حزبێکی سەرەکیی کوردستان، ھەمیشە ڕۆڵی کارای ھەبووە لە ئازادی و ئارامی و پاراستنی ئەزموونی کوردستان لەو کارەسات و ڕووداوە ناخۆشانەی کە بەسەر گەلی کورددا ھاتوون.
ڕوونیشی كردەوە: ”جەنابی کاک مەسعود بارزانی لای من پیاوێکی گەورەیە، گەورەی گەلەکەمانە، پێشتر سەرۆکی ھەرێمی کوردستان بووە و ئێستا سەرۆکی پارتی دیموکراتی کوردستانە، خودی خۆم ھەمیشە ڕێزم لە خەبات و تێکۆشانی جەنابی کاک مەسعود بارزانی گرتووە، بۆیە پێویستە ھەموومان ڕێز لە خەبات و تێکۆشانی سەرکردەکانی کورد بگرین.
وەتمان، ئاماژەی بەوەش دا: ”جەنابی کاک مەسعود بارزانی، بە درێژایی مێژووی ژیانی خەبات و تێکۆشانی بۆ گەلی کورد کردووە، بۆیە ناکرێت لە شەڕی تیرۆریستانی داعش و شەڕی ڕژێمی بەعس لە دژی خەڵکی کوردستان، ڕۆڵی بەرچاوی کاک مەسعود بارزانی لەبەرچاو نەگرین.
