چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لە گەڕەكی چوارچرای شاری سلێمانی، پلەدارێکی سەربازیی یەکێتی کە ئامۆزای ڕەمەزان دێکۆنییە ،فەرمادەی سەربازیی یەكێتییە، لەسەر خراپ ڕاگرتنی ئۆتۆمبێل، خۆی و پاسەوان و کوڕەکانی لە دراوسێیەکیان دەدەن، دوای بەدەمەوە ھاتنی ھێزەکانی پۆلیسی فریاکەوتن، ئامۆزاكەی ئەو فەرماندە سەربازییەی یەکێتی ڕووبەڕووی ھێزەکەی پۆلیسیش دەبێتەوە و هێرشی توندیان دەكاتە سەر.
ئێستا لەسەر کەیسی لێدان و دەستدرێژی بۆ سەر دراوسێكەیان و هێزێكی پۆلیسیش، ئەو پلەدارە سەربازییە لە لایەن بنکەی پۆلیسی چوارچراوە دەستبەسەر کراوە و پەڕاوی لێکۆڵینەوەی بۆ كراوەتەوە، بەڵام هێشتا ترسی ئەوە هەیە كە لەلایەن یەكێتیی نیشتمانیی كوردستانەوە وەك تاوانبارەكانی تر ئازاد بكرێت و داڵدە بدرێ.
