چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
نەسرەت سۆفی، نووسەر و چاودێری سیاسی، ڕایگەیاند، گەورەترین مەترسی لەسەر هەرێمی كوردستان و شارەكانی سلێمانی و هەڵەبجە و راپەڕین و گەرمیان، بوونی ئەو دەسەڵاتە حزبییە ناشەرعییەی یەكێتییە بەسەر سلێمانیەوە.
گوتیشی: دەسەڵاتی حزبیی ناشەرعیی یەكێتی لە بێڕۆڵكردنی دەزگاكانی حكوومەت لەو سنوورە، مەترسییەكی درێژخایەنە و هەموو كاتێك ئەگەری ئەوە هەیە هەرێمی كوردستان دووچاری كێشە و گرفتی زۆر بكات، چ لە رووی ئابوورییەوە بێت یان سیاسی، تانانەت ئەگەر ئەو داهات و پارەی گومرگانەی، كە لەبەردەستی یەكێتییدایە، كە بەپێی یاسایی بودجە دەبێت نیوەی رادەست بە حكوومەتی ناوەند بكرێت – داهاتە نانەوتییەكان-، بەڵام خۆ ئەگەر یەكێتی پابەند نەبوو، ئەوا بێگومان دووبارە گرفت بۆ مووچە و قووتی خەڵكی هەرێمی كوردستان دروست دەبێتەوە.
