چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
هەموو بۆچونەکان ئەوەن بەهۆى ئەو دۆخە خەراپەى ڕوبەڕوى سنورى ژێر دەسەڵاتى یەکێتى دەبێتەوە بە سەرپەرشتى بافڵ و قوباد تاڵەبانى، ڕاپەڕینێکى گەورە ئەنجام بدرێت و هاووڵاتیان دەریان بپەڕێن و بێزارى لەو دۆخە گێشتووەتە لوتکە.
عوسمان محەمەد چاودێرى سیاسیى لەوبارەوە بە چرکە دەڵێ:” دۆخى ئابوورى و خزمەت گوزارى و مووچە لە ژێر دەسەڵاتى یەکێتى تاکودێ بەرەو خەراپتى هەنگاو دەنێت ئەوەش واى کردووە خەڵکى توڕە بوونیان لەو دۆخە بگاتە لوتکە و کوڕانى تاڵەبانیش وەک مێشێ میوانیان نەبێ هیچ هەنگاوێکى باش نانێن.
عوسمان محەمەد وتى:” خزمەت گوزارییەکان سفر بووەتەوە مووچە نادرێ و هەمو داهاتى گومرگ و ناوخۆ دەدزت،ئاسایش نەماوە،خەڵک لە سەرو ماڵى خۆى دڵنیا نییە، ئیتر تاقەتى هاووڵاتیان تەواو کۆتاى پێهاتووە بەدواى بەدیلدا دەگەڕێن و چیدى لە کوڕانى تاڵەبانى قبوڵناکرێت و لەم ناوچەیە دەردەکرێن و دەسەڵاتەکەیان کۆتاى پێدەهێندرێت.
