چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
جووتیار عادل وتەبێژى حکومەتى هەرێمى کوردستان راگەیاند، حکومەت هەمیشە پلانی بۆ رێکخستنەوەی داهات هەبووە و پێشتریش سەرۆکوەزیران مەسرور بارزانی ئاماژی بەوەکردووە، نابێت پرسی مووچە بە سیاسی بکرێت و هەموو هەوڵەکانی حکومەتیش بۆ ئەوەبووە، کۆکردنەوەی داهات رێکبخاتەوە لەپێناو دابینکردن و دابەشکردنی مووچە.
جوتیار عادل ئاماژەی بەوەشکرد، لە سلێمانی گرفتی کەمی داهات نییە بەڵکو گرفتی ئیدارەدانی داهات هەیە و خەڵکی سلێمانی و ئەو دەڤەرەش باجی ئەو خراپ ئیدارەدانەی داهاتەکانی ناوچەکەیان دەدەن.
گوتەبێژی حکومەتی هەرێمی کوردستان روونیکردەوە، لە ماوەی رابردوو لە سلێمانی گرفتی کەمی دەرمان لە نەخۆشخانەکان هەبوو، ئەنجوومەنی وەزیران لە کۆبوونەوەی خۆیدا بڕیارێدا لە رێگەی وەزارەتی داراییەوە، بانکەکانی سلێمانی پابەندبکات بەوەی ئەو پارە نەختینەیەی بۆ دەرمان دادەنرێت، هاوشێوەی هەموو بانکەکانی ناوچەکانی دیکەی هەرێمی کوردستان نابێت بۆ هیچ مەبەستێکی دیکە بەکاربهێندرێت، بەڵام رێگریکردن لە کارەکانی حکومەت لەو دەڤەرە گرفتی بۆ هاووڵاتییان دروستکردووە.
جووتیار عادل گوتیشی، حكومه‌تی هه‌رێمی كوردستان چاره‌سه‌ركردنی كێشه‌ی دارایی له سلێمانی به ئه‌ركی خۆی ده‌زانێت، به‌ڵام بۆ ئه‌و مه‌به‌سته هیچ هاوكارییه‌كی حكومه‌ت ناكرێت.
