چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مه‌هدی مه‌حموود، سكرتێری ئه‌نجوومه‌نی پارێزگای سلێمانی ڕایگەیاندووە”ئه‌گه‌ر فڕۆكه‌خانه‌ی سلێمانی له‌لایه‌ن توركیاوه به‌هۆی بابه‌تی ئەو فڕۆكانه‌وه دابخرێت، كاریگه‌ریی خراپی ده‌بێت له‌سه‌ر شارەكە، هه‌رچه‌نده ئێمه ئاگاداری ئه‌م پرسه نین، چونكه ته‌واو سیاسییه و ده‌بێ كه‌سانی ئاگادار له‌سه‌ر ئه‌و كه‌یسه قسه بكه‌ن و بزانن ئه‌مه چی بووه رووی داوه.“
گوتیشی: ”حكوومه‌تی توركیا ئیشی خۆی ده‌كات، چونكه ده‌وڵه‌ته و ده‌زانێت به‌رژه‌وه‌ندیی له كوێدایه، به‌ڵام هیوادارین بڕیاری توركیا كاریگه‌ریی له‌سه‌ر فڕۆكه‌خانه و گه‌شتی ئاسمانیی سلێمانی نه‌بێت، چونكە ئەگەر بۆ یه‌ك سەعات فڕۆكه‌خانه‌ی سلێمانی بگیرێت، كاریگه‌ریی خراپی ده‌بێت، ئومێده‌واین توركیا ئه‌مه نه‌كات، راسته ره‌نگه بڕیاری سیاسی بێت و توركیا ده‌وڵه‌ته و هه‌وڵ بدرێت به دیپلۆماسی ئه‌م پرسه چاره‌سه‌ر بكرێت و كار نه‌گاته داخستنی فڕۆكه‌خانه، بەڵام ئه‌گه‌ر داشیبخات كێ ده‌سه‌ڵاتی هه‌یه؟ بۆیه ره‌نگه یه‌كێتی ئه‌وه باشتر بزانێت، كه چۆن بووه ئه‌و بابه‌ته و ئه‌و هەلیكۆپتەرانە چی بوون؟“
سكرتێری ئه‌نجوومه‌نی پارێزگای سلێمانی راشیگه‌یاند: ”سلێمانی خۆی دۆخی ئه‌وه‌نده باش نییه ئه‌م بابەتەیشی بێته سه‌ر، ئه‌وه زۆر خراپه و هیوادارین به‌م مانگی ره‌مه‌زانه گرفتی دیكه‌مان بۆ دروست نه‌بێت، ئه‌وه‌نده گرفتمان كه‌م نییه تا داخستنی فڕۆكه‌خانه‌شی بێته سه‌ر.“
