چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پهرلهمانتارێكی پارتی دیموكراتی كوردستان له پهرلهمانی عێراق، وهڵامی پهرلهمانتارێكی كۆمهڵی دادگهریی كوردستان دهداتهوه و رایدەگەیەنێت، سۆران عومەر پێی خۆشە هیچ بڕە پارەیەك لە بەغداوە نەچێتە هەرێمی كوردستان.
لەمبارەیەوە خدر مهنتك، ئهندامی ئهنجوومهنی نوێنهرانی عێراق،ڕایگەیاند:’ئهم نووسینهی سۆران عومهر دهرخهری ئهوهیە كه ئهو و كهسانی وهك ئهو، نایانهوێت بودجه له عێراقهوه بۆ كوردستان بێت، له ماوەی رابردوودا هەر سۆران عومەر بوو كە داوای دەكرد هەوڵی هەڵوەشاندنەوەی قهوارهی كوردستان بدرێت و هەندێك لە هاوشێوەكانی سۆران عومەر له بهغداوه كاریان لهسهر دهكرد.
گوتیشی: ئهم گرووپه درێژكراوهی ههمان ئەو گرووپە پەرلەمانتارەن كە لە بەغداوە دژایەتیی كوردستانیان دەكرد، ئەوان له كوردستانهوه كهمپینیان دهكرد بۆ ئهوهی دادگای فیدراڵیی عێراق له دژی كوردستان بهێننه سهر خهت و هەوڵیان دەدا دهیان بڕیار بە دادگا زیندوو بكەنەوە، بۆ ئهوهی له دژی كوردستان و حكوومەتی هەرێمی كوردستان بەكار بهێندرێن، سۆران عومهر و هاوشێوهكانی ئێستا لهبهرهی ئهوانهدان كه له بهغداوه تانه له 400 ملیار دینارهكه دهدهن.
