ئێران گرفتی کەم ئاوی بۆ ئەم ناوچەی کوردستان دروست کرد

ساڵانە، بەتایبەت لە وەرزی گەرمادا ئێران ئاوی زێی بچووکی قەزای پشدەر دەگرێتەوە و بەوەش گرفتی ئاوی خواردنەوە بۆ هاووڵاتیانی سنوورەکە دروست دەبێت.

فەرمانگەی ئاوی پشدەر ئەمڕۆ شەممە 16/7/2022 بڵاوی کردەوە کە بەهۆی گرتنەوەی ئاوی زێی بچووک لەلایەن ئێرانەوە ئێستا ناتوانرێت ئاو بە هەموو گەڕەکەکانی قەڵادزێ بدرێت.

بۆ ئەو مەبەستە دەبێت لەڕێگای گرتنەوەی ئاوەکە و دروستکردنی کۆگای ئاوەوە ئاستی ئاوەکە و ئاستی پڕۆژەی دابەشکردنی ئاوەکە بەرز بکرێتەوە و بۆ ئەو مەبەستەش کارمەندانی پڕۆژەکە لە هەوڵدان بۆ چارەسەری ئەو گرفتە.