چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
مەسرور بارزانی سەرۆک وەزیرانی کوردستان، ڕایگەیاند داوای لە وەزارەتی ناوخۆ کردووە هەڵمەتی دەست بەسەرداگرتنی چەکی بێمۆڵەت دەست پێبکات و داوا لەو کەسانە دەکەم چەکی بێمۆڵەتیان هەیە ڕادەستی حکوومەتی بکەن
پەیامێک لە سەرۆکی حکومەتی هەرێمی کوردستانەوە
ئەمڕۆ داوام لە وەزارەتی ناوخۆ کرد هەرچی شوێنی چەک فرۆشتن هەیە دابخرێن و هەرچی چەکی بێ مۆڵەتە دەستی بە سەردا بگرن، بۆ ئەوەی چیتر نەبنە ھەڕەشە بۆ سەر ژیانی خەڵک.
ئێمە ئاسایشی خەڵک و وڵاتی خۆمان ناکەینە قوربانی خراپکاران و قاچاخچییان و هەلپەرستان. داوا لە خەلکی کوردستان دەکەم، چەکی بێ مۆڵەت ڕادەستی حکومەت بکەن و خۆیان بەشداربن لە پرۆسەی پاککردنەوەی کوردستان لە چەکی بێ مۆڵەت. دواتر بە پێی یاسا، بابەتی مامەڵەکردن بە چەک ڕێک دەخرێتەوە.
داواش لە دادگاکان دەکەم، چاوپۆشی و کەمتەرخەمی لە جێبەجێکردنی یاسا نەکەن و دڵنیاشیان دەکەمەوە کە بە هەموو شێوەیەک، پاڵپشت و هاوکاریان دەبین.
مەسرور بارزانی
سەرۆکی حکومەتی هەرێمی کوردستان
30ی حوزەیرانی 2022
