چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەرپرسێكی یەكێتیی نیشتمانیی كوردستان ڕەخنەی توند لە پارتی كرێكارانی كوردستان دەگرێت و بە سەرچاوەی ”مەترسییەكی گەورە“ بۆ سەر هەرێمی كوردستانیان دەزانێت.
غەیاس سورچی، بەرپرسی ڕاگەیاندن و پەیوەندییەکانی مەڵبەندی نەینەوای یەکێتیی ڕاگەیاند: “پێویستە پارتی (پەکەکە) نەک هەر لە سلێمانی، بەڵکوو لە ھەموو باشووری کوردستان خۆی دەرنەخات و کار و چالاکیی سیاسی و سەربازی نەكات.
کاتێک (پەکەکە) لە کوردستانی باکوور کار و چالاکیی سیاسی ناکات، بەڵکوو ھەرێمی کوردستانی کردووە بە پەناگەیەک بۆ کار و چالاکیی سیاسیی خۆی، ئەمە بۆخۆی کارێکی ھەڵەیە.
لەگەڵ ئەوەدا نیم ئەو حزبە سیاسییانەی شۆڕشی چەکدارییان ھەیە، ئەم بەشەی کوردستان بکەن بە پەناگەیەک بۆ خەباتی سیاسی و چەکداری، چونکە قەوارەی سیاسیی ھەرێمی کوردستان لە ھەموو لایەکەوە ھەڕەشەی لەسەرە.
غەیاس سورچی، باسی لەوەش کرد: “نابێت پەکەکە ئەو دەرفەتە ئیستغلال بكات كە پێی دراوە یان شاری سلێمانی ببێت بە شوێنی ھەڕەشەی وڵاتانی دراوسێمان، خۆتان دەزانن ھەڕەشە لە سلێمانی کراوە.
کاروان خدر حسن
