چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەفەرمانی مەسروور بارزانی سەرۆک وەزیرانی کوردستان، بۆ سەرپێ خستنی بەڕێوەبەراتییە گشتییەکانی پارێزگای هەڵەبجە فەرمانبەر بۆ بەڕێوەبەرایەتییەکان دادەمەزرێت، نوێترین دامەزراندن ڕاگەیاندنی دامەزراندنی 50 فەرمانبەرە بۆ بەڕێوەبەرایەتی گشتی کارکاروباری کۆمەڵایەتی و کردنەوەی بەڕێوەبەرایەتێکی نوێی.
بێستون جەبار مەجید، بەڕێوەبەری نوسینگەی وەزارەتی کارکاروباری کۆمەڵایەتی، ڕاگەیاند:” ئەمڕۆ چاوپێکەوتن لەگەڵ ئەو کەسانە دەکین فۆرمیان بۆ دامەزراندن پڕکردووە کە 30 هەلی کاری دامەزراندنە بۆ سەنتەری ئۆتیزم و سەنتەری شیاندنی خاوەنپێداویستی تایبەت لە هەڵەبجە”.
ئاماژەی بەوەشکرد:” سێ هەزار و 422 کەس لە ڕێگەی ئۆنلاینەوە فۆرمیان پڕکردووەتەوە، بەپێ ئەو پسپۆڕیانەی ئێمە داوامان کردبوویەوە، بەپێ ئەوخاڵبەندیانەی ئێمەداماناوە ئەمڕۆ چاوپێکەوتن لەگەڵ ئەو کەسانە دەکەین مەرجەکانیان تێدایە”.
دەڵێ:” بەهەوڵی وەزیر و ڕەزامەندی جەنابی سەرۆکی حکوومەتی هەرێمی کوردستان، بڕێوەبەرایەتی دەستەبەری کۆمەڵایەتی بۆ کرێکاران دەکرێتەوە، ئەمڕۆ 20 هەلی کاری تر بۆ ئەو بەڕێوەبەراییەتییە تازە ڕادەگەیەنین سێ کەسیان بە شێوازی هەمیشەی و 17 کەسیش بە شێوازی گرێ بەست‌دادەمەزرێنین”.
