ئەنجوومەنی باڵای دادوەری ئاشکرای دەکات لە ماوەی سێ مانگی یەکەمی 2022دا، نزیکەی دوو هەزار مامەڵەی هاوسەرگیریی دووەمیان لە دادگەکانی عێراق تۆمار کردووە، کە زۆرترینی لە سنووری پارێزگای نەینەوا بووە.
رۆژی یەکشەممە، 29-5-2022، ئەنجوومەنی باڵای دادوەری لە عێراق ئاماری سێ مانگی یەکەمی ساڵی 2022ی تایبەت بە مارەکردنی ژنی دووەم لەعێراق بڵاوکردەوە. بەپێی ئامارەکە لە ماوەی ئەو سێ مانگەدا هەزار و 896 پیاو داواکارییان بۆ هێنانی ژنی دووەم تۆمارکردووە.
پارێزگای نەینەوا لە پلەی یەکەم دێت، کە زۆرترین داواکاریی بۆ هێنانی ژنی دووەم هەبووە و دادگەی تێهەڵچوونەوەی نەینەوا 339 پاساوی هێنانی ژنی دووەمی تۆمارکردووە، پارێزگای بەسرە بە 222 داواکاری و پارێزگای سەلاحەددین بە 196 داواکاری، لە پلەکانی دووەم و سێیەم دێن