چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
ەمڕۆ شەممە 14ی ئایاری 2022 مەسرور بارزانی سەرۆکی حکومەتی هەرێمی کوردستان بە سەرۆکایەتیی شاندێکی حکومی گەیشتە ئەبوزەبی پایتەختی میرنشینی یەکگرتووی عەرەبی (ئیمارات) و لە لایەن شێخ محەمەد بن زاید ئال نەهیان سەرۆکی ئیماراتەوە پێشوازی لێکرا.
سەرۆکی حکومەت پرسە و سەرەخۆشی لە شێخ محەمەد بن زاید و بنەماڵەکەیان و سەرکردایەتیی و گەلی ئیمارات کرد و هاوخەمی خۆی پێگەیاندن بۆ کۆچی دوایی شێخ خەلیفە بن زاید ئال نەهیان سەرۆکی کۆچکردووی ئیمارات و هیوای خواست خوای مەزن گیانی بە بەهەشت شاد بکات .
سەرۆکی حکومەت هەروەها پیرۆزبایی لە شێخ محەمەد بن زاید کرد بەبۆنەی هەڵبژاردنی بە سەرۆکی نوێی ئیمارات و هیوای سەرکەوتنی بۆ خواست.
سەرۆکی حکومەتی هەرێمی کوردستان، مەسرور بارزانی رۆژی هەینی 13ی ئایاری 2022 لە پەیامێکدا، سەرەخۆشی لە سەرکردایەتیی و گەلی ئیمارات کرد بۆ کۆچی دوایی شێخ خەلیفە بن زاید ئال نەهیان سەرۆکی دەوڵەتی ئیمارات
ئەمەش دەقی پەیامەکەی بوو:
بە خەم و پەژارەیەکی قووڵەوە، هەواڵی کۆچی دوایی سەرۆکی دەوڵەتی میرنشینی یەکگرتووی عەرەبی، شێخ خەلیفە بن زاید ئال نەهیان-مان پێگەیشت. بەناوی خۆم و خەڵکی هەرێمی کوردستانەوە، پرسە و سەرەخۆشی خۆمان ئاراستەی سەرکردایەتیی و گەلی ئیمارات بەگشتیی دەکەین. خوای مەزن گیانی خوالێخۆشبوو بە بەهەشت شاد بکات کە هەموو تەمەنی خۆی لە پێناو خزمەتکردنی خەڵکەکەی و مرۆڤایەتی تەرخان کرد. سەبر و ئارامییش بە هەمووان ببەخشێت.
إنا لله وإنا إليه راجعون
مەسرور بارزانی
سەرۆکی حکومەتی هەرێمی کوردستان
13ی ئایاری 2022
مەسرور بارزانی، سەرۆکی حکومەتی هەرێمی کوردستان لە ئەبوزەبی بەشداری لە پرسەی شێخ خەلیفە بن زاید دەکات
ئەمڕۆش، مەسرور بارزانی لە پەیامێکی دیکەدا لە تۆڕی کۆمەڵایەتی تویتەر پیرۆزبایی لە محەمەد بن زاید کرد و نووسیویەتی: بەبۆنەی هەڵبژاردنی شێخ محەمەد بن زاید، وەک سەرۆکی ئیماراتی یەکگرتووی عەرەبی، گەرمترین پیرۆزبایی ئاراستەی بەڕێزیان دەکەم، خوازیاری بەھێزتربوونی پەیوەندییەکانی نێوان ئیمارات و ھەرێمی کوردستانین. هیوای سەرکەوتنی لە ئەرکەکانیدا بۆ دەخوازم.
مەسرور بارزانی، سەرۆکی حکومەتی هەرێمی کوردستان لە ئەبوزەبی بەشداری لە پرسەی شێخ خەلیفە بن زاید دەکات
ئەمڕۆش، مەسرور بارزانی لە پەیامێکی دیکەدا لە تۆڕی کۆمەڵایەتی تویتەر پیرۆزبایی لە محەمەد بن زاید کرد و نووسیویەتی: بەبۆنەی هەڵبژاردنی شێخ محەمەد بن زاید، وەک سەرۆکی ئیماراتی یەکگرتووی عەرەبی، گەرمترین پیرۆزبایی ئاراستەی بەڕێزیان دەکەم، خوازیاری بەھێزتربوونی پەیوەندییەکانی نێوان ئیمارات و ھەرێمی کوردستانین. هیوای سەرکەوتنی لە ئەرکەکانیدا بۆ دەخوازم.
