قائیقمامیه‌تی سلێمانی دو كۆگای ئاماده‌كردنی خوارده‌مه‌نی بۆده‌ستگێڕه‌كان داده‌خات

له‌سه‌ر سكاڵای هاوڵاتیان و له‌ ئه‌نجامی سه‌ردانه‌ به‌رده‌وامه‌كانی لیژنه‌ هاوبه‌شه‌كانی قائیمقامیه‌تی سلێمانی بۆ دوكان و بازاڕ و شوێنه‌گشتییه‌كان و پشكنینی ئه‌و كاڵاوشمه‌ك و خوارده‌مه‌نیانه‌ی له‌لایه‌ن دوكاندار و بازرگانه‌كانه‌وه‌ به‌هاوڵاتیان ده‌فرۆشرێت، ده‌ركه‌وتوه‌ له ‌دو كۆگای ئاماده‌كردنی خوارده‌مه‌نی كه‌ بۆ ده‌ستگێڕ و عه‌ره‌بانه‌كانییان دروستكردوه‌‌ و هیچ یه‌كێك له‌ مه‌رجه‌كانی ته‌ندروستی و ڤێتێرنه‌ری و رێنماییه‌كانی دیكه‌ی كاركردنی تێدا نیه‌، لیژنه‌ هاوبه‌شه‌كان ده‌ستیان به‌سه‌ر بڕێكی زۆر جگه‌ری به‌ستوی قه‌ده‌غه‌كراوی ئێرانی و توركیدا گرتوه‌.