چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
كەمێك پێش ئێستە كۆبوونەوەی نێوان سەرۆكی حكوومەتی هەرێمی كوردستان و میری قەتەر دەستی پێ كرد.
مەسروور بارزانی سەرۆك وەزیرانی كوردستان و شێخ تەمیم بن حەمەد ئالسانی میری قەتەر، لە دەوحەی پایتەختی ئەو وڵاتە لە دیوانی میری كۆ بوونەوە.
بەپێی زانیارییەكان، مەسروور بارزانی سەرۆكی حكوومەت و شێخ تەمیم بن حەمەد میری قەتەر، لە كۆبوونەوەكەیاندا بارودۆخی ناوچەكە تاوتوێ دەكەن، هەروەها گفتوگۆ لەبارەی پەرەپێدانی پێوەندییەكانی نێوان هەرێمی كوردستان و قەتەریش دەكەن.
شایانی باسە بەیانی ئەمڕۆیش مەسروور بارزانی سەرۆك وەزیران لەگەڵ هەریەكە لە سەرۆك وەزیرانی قەتەر و وەزیری كاروباری وزە و وەزیری بازرگانی و پیشەسازی قەتەریش دیدار و كۆبوونەوەیان هەبوو.
