چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەفەرمانی سەرۆکی حکوومەتی هەرێمی کوردستان زیاتر لە 114 ملیۆن دینار بۆ منداڵانی تووشبووی ئۆتیزم لە دەڤەری راپەرین خەرج دەکرێت.
فەرمانگەی میدیا و زانیاریی حکوومەتی هەرێمی کوردستان بڵاویکردەوە: “لەپێناو بەرژەوەندی گشتیی و سەلامەتی منداڵانی تووشبووی بە ئۆتیزم لە دەڤەری راپەرین، بە فەرمانی مەسرور بارزانی، سەرۆکی حکوومەتی ھەرێمی کوردستان ڕەزامەندی درا لەسەر خەرجکردنی بری 114 ملیۆن و 835 هەزار دینار، بۆ منداڵانی تووشبووی ئۆتیزم لە دەڤەری راپەرین”.
هەروەها ئەوەش خراوەتە روو کە خەرجکردنی ئەم بڕە پارەیە بە مەبەستی نۆژەنکردنەوەی باڵەخانەی دایەنگەی شارۆچکەی حاجیاوە و دابینکردنی کەلوپەل و پێداویستییەکانی باڵەخانەكەیە کە خاوەنداریەتییەکەی بۆ وەزارەتی کاروکاروباری کۆمەڵایەتی دەگەڕێتەوە و تایبەت دەکرێت بە سەنتەری ئۆتیزم.
