چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
نوسەر و رەخنەگری سیاسی ھاوڕێ توانا (توانا مێرگەسەری) بەرەو شوێنێکی نادیار ھەڵات ، ناوبراو وەکو نوسەرێک لە زۆربەی سایت و رۆژنامەکانی ھەرێمی کوردستان نوسین و بیر و راکانی خۆی بڵاو کردۆتەوە و نوسینەکانیشی بە گشتی ئاراستەی حیزبەکانی ھەرێمی کوردستان و ئیسلامی سیاسی کردوە ، ھاوڕێ توانالە ١٢/٩/٢٠٢١ لەناو ماڵەکەی و بەبەرچاوی ھاوسەر و کچە بچوکەکەیەوە ھەوڵی تیرۆرکردنی درا و دوای ئەوەی لە بنکەی پۆلیسی حاجیاوا سکاڵای تۆمارکرد بەڵام کەیسەکەیان پشتگوێ خست و لێکۆڵینەوەیان لە روداوەکە نەکرد بە ناچاری بەرەو شوێنێکی نادیار ھەلات ، هاوڕێ توانا مێرگەسەری لە پەیوەندیەکی تەلەفونی دا بە چرا نێتی راگەیاند : بە ھۆی نەبوونی ئازادی ڕادەربڕین و ھیچ دڵنیاییەک بۆ نوسەران ناچاربووم ماڵ و خاکی خۆم جێبێڵم ، راشیگەیاند ئەگەر لایەنی پەیوەندی دار ھەڵوێستیان نەبێت ، سنوردارکردنی ئازادی و ئەو مەترسیانەی لەسەر نوسەران و رۆژنامەنوسان دروست دەبێت پێگەی ھەرێم لە سەر ئاستی جیھان و وڵاتانی پێشکەوتوو بەرەو دواوە دەکشێتەوە . بۆ وەرگرتنی زانیاری زیاتر پەیامنێرمان لە چرانێت پەیوەندی کرد بە بنکەی پۆلیسی حاجیاوا بەڵام ئامادە نەبوون ھیچ لێدوانێک بدەن،
