چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەرپرسێکی باڵای بزووتنەوەی ئیسلامی پەكەكە نەك تەنیا بووەتە كێشە بۆ هەرێمی كوردستان، بەڵكو بووەتە كێشەی گەورە بۆ تاكی كورد و بەهۆی ئەوانەوە ناوچە و گوندەكان ئاوەدان ناكرێنەوە .
كەمال زراری ئەندامی سەركردایەتیی بزووتنەوەی ئیسلامی كوردستان، راگەیاند، كۆی كێشەكانی هەرێمی كوردستان هۆكارن لەوەی خەڵك و گەنج روو بكەنە وڵاتان، بەڵام بەشێكی بوونی پەكەكەیە لە ناوچەكانی هەرێمی كوردستان، ئەو ناوچانەی كە پەكەكەی تێدایە، شەڕ و كوشتن و بۆردمان و نائارامی بە بەردەوامی بوونی هەیە.
ئەو هەروەها گوتی، ئەو گوندانەی كە پەكەكەیان تێدایە، رێ نادرێ حكوومەت ئاوەدانیان بكاتەوە، ئەمەش وایكردووە لەو شوێنانە دەرفەتی كار نەبێت، ئەگەر پەكەكە نەبێ توركیا هێرش ناكاتە سەر ئەو ناوچانە، هێزیش ناهێنێتە ناو خاكی هەرێمی كوردستان.
