چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پەكەكە رۆڵی خراپی هەیە لە تێكدانی هەرێمی كوردستان و كاریگەریی نەرێنی لەسەر هاووڵاتییانی هەرێم هەبووە، بە تایبەت بۆ ناوچە سنوورییەكانی هەرێمی كوردستان كە خاوەن كار و پڕۆژەی خۆیان بوون و ئێستە وێران بوون و نەماون.
ئازاد ئەكرەم سەرۆكی لیستی میلەت لە پەرلەمانی كوردستان، راگەیاند، پەكەكە كاریگەریی زۆری هەیە لە تێكدانی دۆخی هەرێمی كوردستان، بەهۆی پەكەكەوە ناوچە سنوورییەكان وێران بوون و بەشی زۆریشیان ناوچەی گەشتیاری بوون، بەشی زۆری گوندنشینان لە ماوەی ساڵانی رابردوودا، پارەیان خەرج كردووە و كەسانێك خاوەن پڕۆژە و وەبەرهێنانی خۆیان بوون، بەڵام بەهۆی پەكەكەوە لەناو چوون و نەماون.
ئەو هەروەها گوتی، پەكەكە كاریگەری لەسەر فكری هاووڵاتییان دروست كردووە، گەنجەكان بەهۆیەوە كۆچ دەكەن و وڵات بەجی دەهێڵن، جنێو دەدەنە وڵات و حكوومەتی خۆیان، پەكەكە لە هەموو لایەكەوە كاریگەریی نەرێنی كردووەتە سەر هەرێمی كوردستان.
