چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لە نەرویجەوە پێداویستی پزیشکی و کورسی خاوەنپێداویستی تایبەت دەگاتە هەڵەبجە
ڕێکخراوی سەروەریی هەڵەبجە و ڕێکخراوی مەینی نەرویجی، سەدان کورسیی خاوەن پێداویستیی تایبەت و بڕێکی زۆر پێداویستیی پزیشکییان پێشکەش بە کەرتی تەندروستیی هەڵەبجە کرد.
ئیقبال غەفار، سەرۆکی ڕێکخراوی سەروەریی هەڵەبجە، ڕایگەیاند: “بە هاوکاریی ڕێکخراوی مەینی نەرویجی، زیاتر لە 350 ئامێری چارەسەری سرووشتیمان پێشکەش بە کەرتی تەندروستیی هەڵەبجە کردووە”.
غەفار ڕوونیشی کردەوە: “ڕێژەیەکی زۆر دەرمانمان هێناوە لەگەڵ 200 سەماعە بۆ ئەو خاوەن پێداویستییە تایبەتانەی کێشەی بیستنیان هەیە”.
ناوبراو زیاتر گوتی: “ئەو ئامێرانەی بۆ چارەسەری سروشتی پێشکەشمان کردوون، لە نەخۆشخانەکانی هەڵەبجە بوونیان نەبووە، بەهیواشین بتوانین لەگەڵ ڕێکخراوە بیانییەکاندا کاری باشتر بکەین”.
دەشڵێ: “هەر کورسییەکی تایبەت بە خاوەن پێداویستیی (شەلەل دەماغ) نرخی لە بازاڕدا 300 هەزار دینارە، ئامێرەکان فول کوالیتین و بێ بەرامبەر دەدرێت بەو نەخۆشانەی پێویستیانە”.
