چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
وه‌زاره‌تی په‌ره‌وه‌رده‌ی حكومه‌تی هه‌رێمی كوردستان راگه‌یاند، ده‌سه‌ڵات ده‌درێته به‌ڕێوه‌به‌رایه‌تی په‌روه‌رده‌ی قه‌زاكان بۆ ئه‌وه‌ی مامۆستای وانه‌بێژ له (باخچه‌ی منداڵان و قوتابخانه‌كان) دابنێن و بۆ ئه‌مه‌ش رێنماییه‌كی نوێی بڵاوكرده‌وه.
له رێنماییه‌كه‌ی وه‌زاره‌تی په‌روه‌رده‌دا هاتووه، هه‌ر مامۆستایه‌كی وانه‌بێژی دانه‌مه‌زراو له‌و كاته‌ی ده‌وامی ناوه‌نده‌كانی خوێندن كراوه‌ته‌وه له ساڵی خوێندنی 2021-2022 وانه‌یان گوتووه‌ته‌وه، كه پێویستیی ناوه‌نده‌كانی خوێندن بوون، فه‌رمانه‌كه وه‌ك خۆی جێبه‌جێده‌كرێت.
ئاماژه به‌وه‌ش كراوه، جگه له وانه‌بێژه‌كانی پێشوو، دانانی مامۆستای وانه‌بێژی دانه‌مه‌زراو له‌دوای ده‌رچوونی ئه‌م رێنماییه، ده‌بێت له‌مه‌ودوا ئه‌و مامۆستایانه دابنرێت، كه ده‌رچووی كۆلیژی په‌روه‌رده و په‌روه‌رده‌ی بنیاتن.
وه‌زاره‌تی په‌روه‌رده ئاشكرای كرد، ساڵانه نوێكردنه‌وه‌ی فه‌رمانی كارگێڕی وانه‌بێژانی دانه‌مه‌زراو له‌لایه‌ن به‌ڕێوه‌به‌رایه‌تی په‌روه‌رده‌ی قه‌زاكانه‌وه ده‌بێت و پێویسته له نێوان (20/ 8) تا (1/ 9)ـه‌وه رێكاره‌كان كۆتاییان پێبێت و فه‌رمانی كارگێڕییان نوێكرابێته‌وه.
