چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
نوسینگەی راگەیاندنی سەرۆک وەزیرانی عێراق بڵاویکردەوە، ئەمڕۆ مستەفا کازمی پێشوازی لە عەدنان زورفی ئەندامی پەرلەمانی عێراق کردوە و هەردولا باسیان لەیەکخستنی تواناکان کردوە بۆ بەرەنگاربونەوەی سەرجەم ئاستەنگییەکان کە دەوڵەت بەناویدا تێپەڕ دەبێت.
ئاماژە بەوەشکراوە، لەکۆبونەوەکەدا باس لە بەڕێوەچونی هەڵبژاردنەکان کراوە و هەردولا پشتیوانی خۆیان بۆ بەڕێوەچونی هەڵبژاردنەکان لە مانگی تشرینی یەکەمی ئەمساڵدا دوپات دەکەنەوە، لەو پێناوەشدا پشتیوانی هەنگاوەکانی کۆمسیۆنی باڵای سەربەخۆی هەڵبژادنەکان دەکەن، بۆ گەرەنتیکردنی ئاسایشی دەنگدان و پاک و بێگەردی هەڵبژاردنەکان.
بەگوێرەی بڕیاری کۆمسیۆنی باڵای سەربەخۆی هەڵبژاردنەکانی عێراق، لە 7-7-2021ەوە بانگەشەی هەڵبژاردن دەستیپێکردوە و تا رۆژی 7ی مانگی (تشرینی یەکەم/10) بەردەوام دەبێت.
بڕیارە 10ی (تشرینی یەکەم/10)ی ئەمساڵ هەڵبژاردنی پێشوەختی پەرلەمانی عێراق بەڕێوەبچێت، لە ئێستادا کۆمسیۆنی هەڵبژاردنەکان لە کۆتایی ئامادەکاریەکاندایە بۆ ئەو پڕۆسەیە.
