چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
پارێزگاری سلێمانی ڕای دەگەیەنێت، فەرمانگە و بەڕێوەبەرایەتییەکانی سلێمانی پەباندی دەوامی ڕۆژانەی خۆیانن و لە هەفتەیەکدا دەوامی تەواوەتی دەکەن.
لە دوای ئاساییبوونەوەی مووچەی مانگانەی فەرمانبەران، حکوومەتی هەرێمی کوردستان لە ڕێی وەزارەتەکانەوە داوای کرد فەرمانگە و بەڕێوەبەرایەتییەکان پابەندی دەوامی ڕۆژانە بن و دەوامی بەنۆرە (تەناوب) کۆیایی پێ بهێنرێت.
هەڤاڵ ئەبوبەکر پارێزگاری سلێمانی ڕاگەیاند، لە دوای گشتاندەکانەوە، فەرمانگە و بەرێوەبەرایەتییەکانی سلێمانی پابەندی دەوامی ڕۆژانەن و فەرمانبەران ڕۆژانە دەوامی ئاسایی خۆیان دەکەن.
پارێزگاری سلێمانی زیاتر گوتی، “هیچ فەرمانگەیەک نییە پابەندی دەوامی ڕۆژانە نەبێت و هەفتەی پێنج ڕۆژ، لە ڕۆژانی یەکشەم تا پێنجشەم سەرجەم فەرمانگەکان دەوامی ئاسایی خۆیان دەکەن و پابەندن”.
لە ماوەی سەرهەڵدانی پاشەکەوتی مووچە لە کابینەکانی ڕابردوو، حکوومەتی هەرێمی كوردستان وەک هاوکارییەک بۆ فەرمانبەران، ڕۆژەکانی دەوامی فەرمانبەران کەم کرایەوە و هەندێك فەرمانگە دوو ڕۆژ و سێ رۆژ دەوامیان دەکرد هەروەها تەناوب و بەنۆرە لە ناو فەرمانبەراندا جێبەجێ دەکرا.
