چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەهۆی كاركردن بۆ دوورخستنەوەی مەترسییەكانی ڕۆچوونی ڕێگای سەرەكیی كەمەربەندی سۆران، ڕێگاكە دادەخرێت و ڕێگایەكی دیكە بۆ هاتوچۆی شۆفێران دیاری دەكرێت.
موقەدەم موحسین تەحسین، گوتەبێژی بەڕێوەبەرایەتیی هاتوچۆی سۆران، ڕاگەیاند: “ئاگاداری هاووڵاتییان و شوفێران دەكەینەوە، بەهۆی كاركردن بۆ دوورخستنه‌وه‌ى مەترسییەكانی ڕۆچوونی زەوی، لە كاتژمێر 7ی بەیانیى ئه‌مڕۆ پێنجشه‌ممه‌وه 22/7/2021، ڕێگای كەمەربەندی پیشەسازیی سۆران دادەخرێت و هاتوچۆكردنى ئۆتۆمبێل له‌و ڕێگایه‌دا قه‌ده‌غه ده‌كرێت”.
داوا له شۆفێران ده‌كات: “تا ئەو كاتەی چارەسەری ڕێگاكه دەكرێت، ڕێگای شەقامی كاوە (حه‌ریق) لە شاری سۆران بۆ هاتوچۆكردن بەكار بهێنن.
ماوه‌یه‌كه درزێكى گه‌وره له كه‌مه‌ربه‌ندى سۆران دروست بووه و ڕۆژ له دواى ڕۆژ، درزه‌كه گه‌وره‌تر ده‌بێت، ئێستاش بۆ چاره‌سه‌ركردنى ئه‌و به‌شه‌ى درزى بردووه، ڕێگاكه له‌مڕۆوه داده‌خرێت.
