چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
هەواڵی میدیای تاقمی خیانەتی ١٦ی ئۆكتۆبەر و میدیای فەرمیی یەكێتیی نیشتمانیی كوردستان لەبارەی مووچەی فەرمانبەران بەدرۆ كەوتەوە.
میدیای فەرمیی یەكێتی و میدیای تاقمە خۆفرۆشەكە، دەنگۆی ئەوەیان بڵاو كردەوە كە مووچەی ئەم مانگە دوادەكەوێت و حكوومەتی هەرێمی كوردستان ناتوانێت لەسەر پلانی خۆی بەردەوام بێت و هەموو ٢٥ی مانگێك مووچە دابەش بكات.
دوای چەند كاتژمێرێك، وەزارەتی دارایی و ئابووریی حكوومەتی هەرێمی كوردستان بە فەرمی بڵاوی كردەوە، سبەی هەینی ٢٥ی حوزەیرانی ٢٠٢١، دابەشكردنی مووچەی مانگی شەشی فەرمانبەران دەست پێ دەكات و دەست بە دابەشكردنی مووچەی وەزارەتی تەندروستی دەكرێت.
هەر ئەمڕۆ جووتیار عادل، گوتەبێژی فەرمیی حكوومەتی هەرێمی كوردستان جەختی كردەوە كە حكوومەت پابەندە هەر سی رۆژ جارێك مووچە دابەش بكات. گوتیشی: “ئێمە لە هەموو كەسێك زیاتر لە خەمی مووچەی مووچەخۆرانی هەرێمی كوردستانداین.
