چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
هێزەكانی پێشمەرگەی كوردستان و سوپای عێراق و فڕۆكە جەنگییەكان، هێرشیان بۆ سەر مۆڵگەی تیرۆریستانی داعش لە سنووری كفری دەست پێ كرد.
بەپێی زانیارییه‌كان، هێزێكی هاوبەشی پێشمەرگە و سوپای عێراق بە پاڵپشتی فڕۆكە جەنگییەكان لە سنووری غەڕە و پەلكانە، مۆڵگەكانی داعشیان بۆردمان كرد.
لە زانیارییەكاندا هاتووە، ئەو هێرشە هەڵمەتی كێوماڵكردنی تیرۆریستانی داعشە لە سنووری زەرگە لە ڕۆژئاوای خورماتوو، ناوچەكانی غەڕە و پەلكانە دەگرێتەوە.
لە زانیارییەكاندا هاتووە، تا ئێستە لە ناوچەی زەرگە هێزێكی هاوبەشی سوپای عێراق و حەشدی شەعبی رووبەڕووی تیرۆریستان بوونەتەوە، لە ئاكامی تەقینەوەی بۆمبێكی چێنراویش شەش سەرباز بریندار بوون.
باس لەوەش كراوە، سنووری دەوروبەری زنانە و كفری لە نەخشەی پاككردنەوەی تیرۆریستانە لە هێرشەكانی ئەمڕۆی پێشمەرگە و سوپای عێراق دەستیان پێ كردووە، ئەوەیش بۆ نەهێشتنی ئەو مەترسییەی لە ماوەی ڕابردوو چەكدارانی داعش دروستیان كردبوو.
