چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەرپرسێکی پێشووی نەوەی نوێ ئاشكرای كرد شاسوار عەبدولواحید سەرۆكی نەوەی نوێ متمانەی بە هیچ كەسێك نییە لەناو بزوتنەوەكەیدا و بشزانێت كەسێك وریایە و خەڵك پشتگیری دەكەن، یەكسەر هەوڵی لەناوبردنی دەدات.
قەیس عەبدولقادر ئەندامی پێشووی ئەنجوومەنی باڵای نەوەی نوێ ڕاگەیاند شاسوار عەبدولواحید لەناو جووڵانەوەکەیدا، جگە لەوەی کەسێکی بێزراوە، متمانەی بە ھیچ کەسێک نییە، ئەگەر بشزانێت کەسێک وریایە و خەڵک پشتگیری دەکات، ھەوڵ دەدات زوو لەناوی بەرێت، بۆ ئەوەی ھیچ کەسێک ڕکابەری نەکات.
گوتیشی کەناڵی ئێن ئاڕ تی کە زمانحاڵی نەوەی نوێیە، لەلایەن خودی شاسوار عەبدولواحیدەوە ئاڕاستە دەکرێت، بە جۆریک کەناڵەکەی بۆ بەرژەوەندیی خۆی بەکار دەھێنێت، ئەگەر لایەنێکی سیاسی دژایەتی بکات، ڕاستەوخۆ کەناڵەکەی لەدژدا دەخاتەگەڕ.
قەیس عەبدولقادر ئاماژەی بەوەش کرد كە شاسوار عەبدولواحید بەردەوام باسی دزی و گەندەڵی دەکات، بەڵام خۆی بازرگانێکی گەندەڵە و پارەی ھەزاران خاوەن پشکی خواردووە، ھەروەھا تاکڕەوییەکانی شاسوار عەبدولواحید کارێکی وای کردووە ھیچ کەسێک لەناو ئەو جووڵانەوەیە بەردەوام نەبێت.
