چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
دژە تیرۆری یەكێتیی نیشتمانیی كوردستان پاش بێسەروشوێنكردنی سەركردەیەكی بزووتنەوەی ئیسلامیی كوردستان بۆ ماوەی ١٨ ساڵ، ئینجا كوشتنی رادەگەیەنن.
حاجی كامیل ، ئەندامی مەکتەبی سیاسیی بزووتنەوەی ئیسلامیی كوردستان،به چركهی ڕاگەیاند، لە ساڵی ٢٠٠٣وە مەلا عابید، سەركردەی بزووتنەوەی ئیسلامی لە هەورامان، لە لایەن دژەتیرۆری یەکێتییەوە،كوژراوه.
ڕوونیشی كردەوە: خێزان و منداڵەکانی ساڵانێکی دوور و درێژە چاوەڕێی گەڕانەوەی باوکیان دەکەن، بەڵام بەداخەوە دوای ئەو ھەموو چاوەڕوانییە، ئاگادار کراینەوە کە مەلا عابید لە ژیاندا نەماوە“.
زانیاری کوڕی مەلا عابید پێشتر لە لێدوانێکدا، گوتوویەتی، لە چەند لایەکەوە بەڵێن بە باوكی دراوە بگەڕێتەوە هەرێمی كوردستان و حەقیان نابێت بەسەریەوە، دواتر بەرپرسانی باڵای یەكێتی داوای ئەوەیان لێ كردووە لە رووی هەواڵگرییەوە هاوكارییان بكات، ئەویش رەتی كردۆتەوە، بۆیە لە دوایین دانیشتندا كە لە ڕۆژی ٢١ی ٧ی ٢٠٠٣ لەگەڵ ئەو بەرپرسە باڵایەی یەكێتی ئەنجامی داوە، مەلا عابید لە لایەن هێزێكی دژەتیرۆری یەكێتییەوە دەستگیر دەكرێت و بێسەروشوێن دەكرێت.
