به‌داتا ئه‌و پاره‌ زۆره‌ی بۆ په‌یجه‌كانی لاهوور جه‌نگی سه‌رف ده‌كرێت

پەیج و سایتە هەواڵییەكانی لاهوورن، كاریان شەڕی راگەیاندنە لە دژی نەیارانی لاهوور جەنگی، هیچ هەواڵێك، تەنانەت هەواڵی كەشوهەواش بەبێ لێدان لە نەیارەكانی لاهوور جەنگی بڵاو ناكەنەوە، بۆ سەرجەم هەواڵەكانیشیان، پشت بە درۆ و سەرچاوەی نێو گیرفانی لاهوور و پۆستی پەیجە درۆزنەكانی سەر بە درۆكانی لاهوور و تاقمه‌كه‌ی ده‌به‌ستن..

پەیجەكانی (ژیان، لڤین، میللەت، ئێستا) لەلایەن ئاكۆ جەنگیی برای لاهوورەوە سەرپەرشتی دەكرێن. بەڵام بەشێك لە كارەكانی پەیجەكانی (ژیان و لڤین) لە لایەن محەمەد هەورامییەوە سەرپەرشتی دەكرێن. تەنیا ئەم دوو ماڵپەڕە، ژمارەی كارمەندانیان زیاتر لە پەنجا كارمەندە، ٢٠ تا ٢٥ نووسەریان بەكرێ گرتووە كە مانگانە نزیكەی ١٥٠٠ دۆلاریان پێ دەدەن لە بەرامبەر نووسین بە دڵی لاهوور جەنگی.

سایتی (میللەت)ی لاهووریش لانی كەم ٤٥ كارمەندی گرێبەستی هەیە لەگەڵ دەیان نووسەری قەڵەمفرۆش، مووچەی مانگانەی كارمەندەكانی دەوروبەری ١٢٠٠ دۆلارە.