چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەڕێوەبەری ناحیەی قەسرێ سەربە قەزای چۆمان، دەڵێت لە سنوورەكەمان 14 گوند لەلایەن پەکەکەوە داگیر کراون و ئەوەش بووەتە بەربەست بۆ گەیاندنی پڕۆژە خزمەتگوزاراییەكان.
فەیسەل ئاڵانی، بەڕێوەبەری ناحیەی قەسرێ سەر بە قەزای چۆمان، راگەیاند: “لە سنووری ناحیەكەمان 14 گوند لەلایەن پەکەکەوە داگیر کراون، ئەوەش بەربەستی زۆری بۆ دروست كردووین.
ئەوەشی خستە ڕوو: “هەرچەند پێشتر لەلایەن حكوومەتی هەرێمی كوردستان، پڕۆژەی رێگەوبان و ئاو و كارەبا و هتد..، بۆ ئەم گوندانە جێبەجێ کراوە، بەڵام ئێستا بەهۆی بوونی بنکە و بارەگای پەكەكە لە ناوچەكە، جێبەجێکردنی پڕۆژەی نوێ بۆیان زەحمەتە و ئاستەنگمان بۆ دروست دەبێت”.
بەڕێوەبەری ناحیەی قەسرێ ئەوەشی ئاشكرا كرد: “جگەلەوەش ساڵانە بەهۆی بوونیچەکدارانی پەكەكە لە سنووری ئەم گوندانە، خەڵكی سڤیل دەبنە قوربانیی بۆردمانەكانی توركیا.
