چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
سەفین دزەیی، بەرپرسی فەرمانگەى پەیوەندیەکانى دەرەوەى حکومەتى هەرێمى کوردستان لە تویتێکدا ڕایگەیاند: هەفتەی داهاتوودا چەندین شاندی دیپلۆماسی سەردانی هەولێر و هەرێمی كوردستان دەكەن، ئەو شاندانەی دێن، زیاتر ئهو باڵیۆزانەن كە لە بەغدان، سەردانەكەش وەكوو پشتیوانی هەولێر و هەرێمی كوردستانە، پاش ئەو هێرشەی كرایە سەرهەولێر.
سەفین دزەیی له تویتهكهیدا رایگهیاند: هەولێر و هەرێمی كوردستان بە گشتیی پێناسەیەكی جیهانی هەیە، كە ناوچەیەكی ئارام و سەقامگیرەو باوەشی بۆ ئاوارە و پەنابەرانی عێراق و دەرەوەش كردووهتەوە، ناوچەیەكە بە پێكەوەژیان و دیموكراسی ناسراوە، بۆیە كاتێك هێرشێكی دەكرێتە سەر، كۆمەڵگای نێودەوڵەتی دژی دەوەستنەوە.
شایهنی باسه شهوی دووشهممه چهند مووشهكێك ئاراستهی شاری ههولێر و دهوروبهری كران و لهئهنجامیشدا چهند كهسێك بوونه قوربانی، دوای هێرشە موشەکییەکە وڵاتانی ئەوروپا و ناوچەکە هاوخەمی خۆیان بۆ حکومەتی هەرێمی کوردستان دەربڕی و سەرکۆنەی هێرشەکەیان کرد.
