چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
چەكدارانی پەكەكە لە گوندەكانی سنووری شارۆكەكانی شارباژێڕ و ماوەت لە پارێزگای سلێمانی، دۆخێكی سەربازییان خولقاندووە و گرفت و كێشەیان بۆ هاووڵاتییان و دانیشتوانی ئەو گوندانە دروست كردووە، كە خۆیان دەسەڵاتیان بەسەریدا هەیە.
سه‌رچاوه‌یه‌كی تایبه‌ت بۆ چركه ڕاگەیاند، پەكەكە لە سنووری شارباژێڕ و ماوەت لە شارەدێكانی زەلان و سیوەیل و گوندەكانی سەر بەو شارۆكە و شارەدێیانە دەستێكی باڵای هەیە لە تێكدانی سیمای گوندەكان، ئەویش بە لێدانی تونێل و بارەگا لە نزیك ئاواییەكان.
سەرچاوەكە زیاتر گوتی، جگە لە تێكدانی سیمای بەشێك لەو گوندانە، دۆخێكی سەربازیشی خولقاندووە، بەجۆرێك هاتوچۆی هاووڵاتییانیشی قورس كردووە لە ڕێگەی دانانی بازگە و وەرگرتنی باج و سەرانە لە خەڵك.
زانیارییەكانی سەرچاوەكە ئاماژە بەو سنوورانەیش دەكات كە پەكەكە تیایاندا باڵادەستە، بەجۆرێك تەواوی سنووری گوندەكانی شینكایەتی، هەردوو شارەدێی سیوەیل و زەلان، چەمی عیساوێ و بەرد بەرد و چەندان شوێنی تری خستووەتە دۆخێكی نائارامییەوە.
