چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
فەرماندەیەكی پێشمەرگەی كوردستان رای دەگەیەنێت، دەرچوونی پەكەكە لە شنگال و كشانەوەی لەو ناوچەیە، دوای رێككەوتنی هەردوو حكوومەتی عێراق و هەرێمی كوردستان، گورزێكی بەهێز لەو گرووپە دەدات و كاریگەری لەسەر دروست دەكات.
فەرماندە لە لیوای پێشمەرگە، راگەیاند، پەكەكە هێزێكە هەر لە سەرەتاوە داردەستی داگیركەر بووە، چۆنیان ویستبێ و بۆ هەر پرسێك چۆنیان بوێ بەكاری دێنن، ئەوانیش بۆئەوەی ئەركی خۆیان یان فەرمانی داگیركەر جێبەجێ بكەن، هەرچیان بوێ بەبێ بیركردنەوە و بەناوی خەبات دەیكەن.
زیاتر گوتی، بنەڕەتی دروستبوونی پەكەكە بە هەموو ماناكانی داردەستی داگیركەرە، ئەوان لە بەرانبەر دەركردنیان لە شنگال، ئامادە بوون رووبەڕووی هەرێمی كوردستان و هێزی پێشمەرگەی كوردستان ببنەوە، بۆیە هێزێك ئەگەر داردەست نەبێ چۆن رووبەڕووی هەرێم دەبێتەوە.
