چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
لەم هەفتەیەدا بافڵ تاڵەبانی، هاوسەرۆكی یەكێتی نیشتمانیی كوردستان دووپاتی لەوە كردەوە كە حزبەكەی لەگەڵ دووئیدارەیی هەرێمدا نییە، بەڵام مەحموود سەنگاوی، ئەندامی مەكتەبی سیاسی ئەو حزبە، دوو رۆژ دوای قسەكانی بافڵ تاڵەبانی لە رێوڕەسمێكدا رای گەیاند، چەندانجارە داوای لە یەكێتی كردووە دوو ئیدارەیی رابگەیەنێت.
ئارام ئەحمەد، وەك چاودێرێكی سیاسی،دووپاتی كردەوە، بۆچوونی جیاوازی ناو یەكێتی نشتمانیی كوردستان لەسەر كۆی پرسەكان، وای كردووە رای ئەو حزبە لای شەقام و حزبە كوردستانییەكان ناڕوون بێت.
زیاتر گوتی، بابەتی پێوەست بە حزب ئاساییە ئەندامانی بۆچوونی سیاسییان جیاواز بێت، بەڵام لە پرسەكانی تری پێوەست بە هاووڵاتییانەوە دەبێ سەركردایەتی سیاسی هەر حزبێك كۆك بن لەسەری.
كەریم شوكر، ئەندامی سەركردایەی یەكێتی نیشتمانیی كوردستان،راگەیاند، ئێمە قوربانی زۆرمان بۆ رزگاركردنی كوردستان و یەكخستنی ئیدارەیی هەردوو زۆنی سەوز و زەرد داوە، بۆیە هەرگیز لەگەڵ دووئیدارەیدانین، روونی كردەوە، نابێ قسە لەسەر دووئیدارەی بكرێت.
