چرکە دامەزراوەیەکی میدیایی ئەهلی و ئازادە، خاوەنی گۆڤار و ماڵپەڕی چرکەیە
بەشیر حەداد جێگری سەرۆكی پەرلەمانی عێراق دەڵێت: بە موستەحیلی دەبینم عێراق لەو بارودۆخە ئەمنییە، كە ئێستا تێیداین ئەگەر ئاوا بمێنێت هەڵبژاردنێكی بێگەرد و پاك ئەنجامبدرێت بەبێ گزی.
بەشیر حەداد دەشڵێت: ساختەكاری لەوانەیە هەندێك لەو لایەنە سیاسییانەی، كە باڵی سەربازییان هەیە، یان میلیشیای چەكداریان هەیە لەوانەیە باردۆخی ئەمنی بەئاراستەیەكدا ببەن، كە هەندێك پشێوی و توندو تیژی دروست بكەن بۆ ئەوەی، كە خەڵك هەڵبژاردنی لە بیربچێتەوە.
قسەكانی جێگری سەرۆكی پەرلەمان لەمیانی گفتوگۆیەكی بووە لەگەڵ دەنگی ئەمریكا، دەربارەی بۆچوونی لایەنەكانیش دەڵێت: كورد لەهەڵبژاردندا كورسییەكانی خۆی ئەگەر زیادنەكات كەم ناكات، بەڵام لایەنی سوننە و لایەنی شیعە لەبەرئەوەی شەقامەكانیان و جەماوەرەكانیان زۆر لێیان توڕەن زۆر لێیان بێزارن.
باسی لەوەش كردووە، كە چاوەڕوان ناكرێت هەمان كورسییەكانی خۆیان بهێننەوە، لایەنە شیعیەكان دەزانن، كە ئەم هەڵبژاردنە لەبەرژەوەندی ئەواندا نییە ناشتوانن بەئاشكرا بڵێن هەڵبژاردن نەكرێت، چونكە ئەمە داواكاری شەقامە بۆیە لەڕووكەش و لە ڕاگەیاندنەكان دەڵێن ئێمە لەگەڵ هەڵبژاردنەكانی پێش وەختەداین، بەڵام لەژێرەوە كار بۆ ئەوە دەكەن كە ڕێگری دروست بكەن و هەڵبژاردنەكە ئەنجام نەدرێت.
