مەسرور بارزانی پێشوازیی لە شاندێکی ئەنجوومەنی نیشتمانیی کورد لە سووریا کرد

ئەمڕۆ شەممە 23/9/2023 مەسرور بارزانی، سەرۆکی حکوومەتی هەرێمی کوردستان، لە پێگەی تایبەتی خۆی لە تۆڕی کۆمەڵایەتیی فەیسبووک ڕایگەیاند کە پێشوازیی لە شاندێکی ئەنجوومەنی نیشتمانیی کورد لە سووریا (ئەنەکەسە) کردووە.

سەرۆکی حکوومەت ڕایگەیاندووە: ”ئەمڕۆ پێشوازیمان لە شاندێکی ئەنجوومەنی نیشتمانیی کورد لە سووریا (ئەنەکەسە) کرد کە لە بەڕێزان عەبدولحەکیم بەشار و ئیبراهیم برۆ، ئەندامانی ئەنجوومەنەکە لەناو ئۆپۆزیسیۆنی سووریا پێک هاتبوو.”

ڕوونیشی کردووەتەوە کە ”بارودۆخی گشتی و پێشهات و پەرەسەندنەکانی سووریامان تاوتوێ کرد.”

دەشڵێت: ”جەختمان لە چارەسەرکردنی کێشەکانی سووریا بە شێوەیەکی ئاشتییانە و دابینکردنی ماف و داخوازییە ڕەواکانی گەلی کورد کردەوە.”